Magistri Guillelmi Autissiodorensis Summa de officiis ecclesiasticis Kritisch-digitale Erstausgabe

VI,4. De tunica iacinctina ¹

1. Postmodum sequitur de ² tunica iacinctina, que erat proprie ³ summi pontificis, in qua dependebant ⁴ tintinnabula et mala granata ⁵ . Per tintinnabula uox predicationis, per mala granata ⁶ exemplum bone uite uel uoluntas martirii ^a , quia granis huius reficiuntur infirmi ^A .

2. Huic respondet casula siue tunica uel dalmatica, que significant ⁷ uestem nuptialem, quam omnes ministri tenentur habere. Omnes enim debent esse celestes.

3. Eius color, scilicet celi ⁸ , erat in tunica iacinctina, id est pro celestibus seruire ^b , sed non equaliter, immo ⁹ minus ¹⁰ subdiaconus, unde manicas habet strictas. Magis diaconus, unde habet magis latas. Et magis sacerdos ^B , unde etiam magis est expeditus nichil habens, quod stringat eius manus ¹¹ , quia pro celestibus omnia debet dare. Caritas enim ipsius debet protendi etiam usque ad inimicos ^{c   C} . Et etiam debent esse contemplatiui, quod significatur ¹² in colore iacincti.