Magistri Guillelmi Autissiodorensis Summa de officiis ecclesiasticis Kritisch-digitale Erstausgabe

II,14. 〈De communione〉

1. Postea sacerdos communicat sacramentaliter, ut ipse et populus spiritualiter ¹ , et, sicut dictum est, aliis dat duas partes, scilicet ² diacono et subdiacono, uel ipse comedit.

2. 〈Postcommunio〉. Sequitur postcommunio ³ , id est antiphona quedam, que cantatur ab omnibus, ut notetur ⁴ , quod dominus omnibus discipulis apparuit. Et etiam ⁵ ab omnibus cantatur, ut notetur communitas gaudii ^A .

3. 〈Lotio〉. Post ⁶ lauat manus sacerdos, ut notetur reuerencia | sacramenti, ne scilicet ad res communes nisi lotus accedat ⁷ . Vel ad cautelam fit hoc ⁸ , ne scilicet aliquod fragmentum minimum manui inheserit ⁹ . Vel ut reputet se indignum ^a sicut sacerdos legalis, qui ¹⁰ immundus erat usque ad uesperam ¹¹ post oblationem ¹² uitule rufe, unde lauabat etiam uestimenta sua ^b . Per hoc ¹³ notatur, quod ¹⁴ omni tempore suo humiliare se ¹⁵ debet sacerdos.

4. 〈Oratio〉. Sequitur oratio, ut sit reditus in idem ab eodem, a quo incipitur ^{16   17} , scilicet ¹⁸ gratia domini preueniat et sequatur.

5. 〈Jte missa est〉. Ad ultimum dicitur ¹⁹ : "ite ²⁰ missa est", ut ²¹ notetur hostiam esse missam ad deum patrem pro genere humano ^c .