Magistri Guillelmi Autissiodorensis Summa de officiis ecclesiasticis Kritisch-digitale Erstausgabe

III,106. Decima dominica post pentecosten ¹

1. Decima dominica legitur ecclesiasticus, qui incipit: "omnis sapientia a domino deo est ^a ", ubi ostenditur ² , quod non solum sapientia, sed etiam omnia bona sunt a deo.

2. Et ideo ab eo solo sunt petenda, et ad eum debemus clamare. Vnde incipit introitus ³ : "dum clamarem ^b ".

3. Et ⁴ quia ipsum solum debemus orare, sequitur uersus: "exaudi, deus, orationem meam ^{5   c} ", et est ⁶ oratio: "pateant ⁷ aures misericordie tue ⁸ precibus supplicantium et ut petentibus desiderata ⁹ concedas, fac eos, que tibi sunt placita, postulare ^d ".

4. Et ostenditur in epistola, quod omnia bona sunt a deo ^e : "diuisiones gratiarum sunt ^f " et cetera; et post: "hec autem omnia operatur unus et idem spiritus diuidens singulis, prout uult ^g ".

5. Sed quia bonum cito amittitur, quod non a largiente ¹⁰ custoditur ^h , sicut dicit gregorius, ideo sequitur responsorium: "custodi me, domine, ut pupillam oculi ⁱ ".

6. Et quia ad illum refugere ¹¹ debemus, a quo habemus omnia bona, sequitur alleluia: "domine, refugium ^j ".

7. Euangelium uero est de symoniacis, qui iniuriantur spiritui sancto in hoc, quod uendunt ea, que ipse dat gratis, uel ad uoluntatem suam tribuunt, quasi ¹² ab ipsis essent illa bona, non a ¹³ spiritu sancto ^A .

8. Sequitur offertorium: "ad te leuaui animam meam ^k ", non ad symoniacos ¹⁴ , non ad prauos prelatos ¹⁵ , qui faciunt se ¹⁶ adorari, sed ¹⁷ ad te, a quo omnia bona.

9. Et quia tunc ¹⁸ acceptat dominus omnia ¹⁹ opera nostra, quando speramus in ipso, ideo ²⁰ sequitur communio: "acceptabis ^{21   l   B} ".