Magistri Guillelmi Autissiodorensis Summa de officiis ecclesiasticis Kritisch-digitale Erstausgabe

III,88. In uigilia pentecostes ¹

1. Sequitur de uigilia pentecostes, in qua celebratur baptisma sicut in uigilia pasche, quia iste ² due festiuitates sunt maiores et magis ³ necessarie inter omnes. In uigilia enim pasce celebratur baptismus ⁴ , quia nichil ⁵ nobis ⁶ nasci profuit, nisi redimi profuisset, et ⁷ redimi nichil profuit, nisi paraclitus ⁸ mitteretur. Et ideo in uigilia pentecostes celebratur baptisma ^A .

2. Et leguntur lectiones eadem ratione, qua in uigilia pasche, ut instruantur baptizandi   ^B . Et est prima lectio: "locutus est dominus ad abraham ^a ".

3. Sed quid pertinet modo dicere de immolatione ysaac? Magis pertinet ⁹ ad uigiliam pasche.

4. Solutio: dicitur propter promissionem, que est ibi: "multiplicabo semen tuum sicut stellas celi ^{b   10} ". Baptizati ¹¹ sunt stelle ¹² . Et fit eis promissio, cum dicitur: "in semine ¹³ tuo benedicentur omnes gentes ^c ". Hoc tantum conuenit baptizatis, qui sunt unum semen ¹⁴ , id est ueri filii abrahe.

5. Alia lectio est: "apprehendent septem mulieres ^d " et cetera, per quas significantur septem dona spiritus sancti ^e , que dantur in baptismo. Alia patent.

6. Postea fit processio ad fontes sicut in uigilia pasche. Et cantatur missa sine introitu ¹⁵ , quia ecclesia non habens adhuc spiritum sanctum ad minus in tanta plenitudine expectat eum in crastino, qui est principium et finis omnis boni. In uigilia uero pasce cantatur missa sine introitu ^{16   C} , quia recessit pastor noster.

7. Postmodum sequitur epistola de actibus apostolorum, in qua habetur, quod paulus baptizabat baptizatos a iohanne, quando in spiritum non credebant ^f , sicut illos, qui dixerunt: "sed neque si spiritus sanctus est, audiuimus ^g ".

8. Postmodum sequitur unum ¹⁷ alleluia: "confitemini ^h " in gratiarum actionem pro baptizatis ^D .

9. Sed ¹⁸ quare sequitur tractus, cum spiritus sanctus faciat omnia ^{19   20} leuia ⁱ ? Hoc est propter baptizatos, qui multos tractus miseriarum passuri sunt, si uixerint.

10. Postmodum ²¹ sequitur euangelium de promissione spiritus sancti: "si diligitis me, mandata mea seruate ^{j   22   E} ".