Magistri Guillelmi Autissiodorensis Summa de officiis ecclesiasticis Kritisch-digitale Erstausgabe

IV,10. De beato iohanne baptista ^{1   2}

1. Post angelos celebrat ecclesia festum precursoris domini, quia "inter natos mulierum non surrexit maior iohanne baptista ^a ". Duplicem autem festiuitatem facit ei ecclesia, natiuitatis et decollationis ^A .

2. Natiuitatis, quia sicut beata uirgo sanctificata fuit in utero, ita et ipse ^B , quod probatur per illud, quod dicitur: " impleta ³ est spiritu sancto elisabeth ^b ", de | spiritu ⁴ pueri. Et "exultauit ^c infans in gaudio ⁵ in utero ⁶ meo". Alia causa est, quia dominus dicit ⁷ de eo: "et multi in natiuitate eius gaudebunt ^{d   C} ". Tercia causa est, quia primus annunciauit gaudia eterna. Vnde dicitur lucifer ^D et turtur. Vnde in canticis: "uox turturis audita est in terra nostra ^{e   8} ". Iob xxxuiii ⁹ : "numquid produces luciferum, in ¹⁰ tempore suo ^{f   E} ?"

3. Habet autem ¹¹ uigiliam, quia principalis causa, quare festa sanctorum colimus, est, ut imitemur eos. Ipse uero ¹² fuit ¹³ mirabilis abstinentie, unde in hoc debemus imitari eum ^F .

4. Et quia atulit nouum tempus et dictus ¹⁴ est lucifer, sicut dictum est, ideo habet missam in mane ^G et missam aliam sicut alii sancti ^H , uel quia fuit martir et precursor domini ¹⁵ .

5. Vnde prima est unius martiris, unde introitus est: "iustus ut palma florebit ^g ". De ipso prophetauit ysaias et ieremias. Ieremias ¹⁶ ipso actu, quia similis fuit, et ysaias: "audite insule et attendite populi ^{17   h} " et cetera, sicut habetur in epistola.

6. Et ibidem sequitur ¹⁸ introitus: "de uentre matris mee uocauit me dominus ¹⁹ et posuit os meum, ut gladium acutum ⁱ " et cetera. Gladius acutus est gladius predicatoris ²⁰ , quia abscindit superflua ^j . "Posuit me sicut ²¹ sagittam electam ^k ". Sagitta electa est predicator, qui facit, quod ²² docet. Sagitta acuta fuit beatus iohannes, cum dixit tercio ²³ matei: "genimina uiperarum, quis docebit nos fugere a uentura ira ^l ?"

7. Responsorium: "priusquam te formarem ^m " et cetera ^I . Omnia alia patent.

8. Festum ²⁴ uero decollationis celebrat ecclesia, quia pro ueritate mortuus est ^J , sicut de machabeis, de septem ²⁵ fratribus, qui pro lege domini mortui sunt, quia noluerunt comedere carnem suillam ⁿ . Multo fortius ergo, qui passus est pro ueritate, festum debet habere ²⁶ , sed non tantum ²⁷ , quantum est ²⁸ festum natiuitatis, quia ²⁹ descendit ad inferos ^K   .