Magistri Guillelmi Autissiodorensis Summa de officiis ecclesiasticis Kritisch-digitale Erstausgabe

III,115. Decima nona dominica post pentecosten ¹

1. Dominica nona decima ^{2   3} respondet precedenti, in qua dictum est: "da pacem, domine, sustinentibus te ut prophete tui ^a ", id est prelati, "fideles inueniantur ^b ".

2. Fideles autem inueniuntur, si faciunt ⁴ , quod habetur in euangelio huius none decime dominice, in quo habetur, quod "adduxerunt ad ihesum ⁵ paraliticum. Ihesus autem uidens fidem illorum, qui offerebant ^c " et cetera. Paralitici sunt, qui in deliciis ⁶ ita dissoluti sunt ⁷ , quod non possunt facere bona opera et ⁸ merito fidei prelatorum sanantur ^d . Ideo bonum est ⁹ habere bonos prelatos. "Quidam autem de scribis ¹⁰ dixit: hic blasphemat, qui peccata dimittit. Videns autem ihesus ¹¹ cogitationes eorum dixit ^e : ut sciatis ¹² , quia filius hominis habet potestatem ¹³ dimittendi peccata, dixit paralitico: tolle grabatum tuum ^f ".

3. Et quia solus dominus est ¹⁴ , qui sanat paralisim ¹⁵ , incipit introitus: "salus populi ego sum ^g ".

4. Versus: "attendite, popule meus, legem ^{16   h} ", per quam sanantur paralitici.

5. In epistola monet apostolus ¹⁷ paraliticos, ut erigantur a torpore ¹⁸ paralisis ¹⁹ ad bona opera ⁱ : "renouamini ^j " et cetera.

6. Sequitur ²⁰ graduale in uoce paralitici: "dirigatur, domine ²¹ , oratio mea ^{k   22} ".

7. Versus ²³ : "eleuatio manuum ^{24   l} ". Iste iam ²⁵ eleuatur ad bona opera.

8. Et iterum ²⁶ alleluia in uoce paralitici sanati: "dextera domini fecit uirtutem ^m ", quia sanauit me. |

9. Sed quia non sufficit ²⁷ sanari ²⁸ , nisi dominus custodiat, sequitur offertorium: "si ambulauero ⁿ ". Vbicumque ²⁹ ambulent ³⁰ sanati, dominus ³¹ custodit eos, quantum in se est ^A . Et sequitur ³² communio.