Magistri Guillelmi Autissiodorensis Summa de officiis ecclesiasticis Kritisch-digitale Erstausgabe

III,58. Secunda feria ¹

1. Secunda uero ² feria ³ de cruce nostra et maxime de ieiunio, quia debemus crucifigere membra nostra cum uiciis et concupiscentiis.

2. Sed quia non potest homo ieiunare, nisi liberetur ab inimicis uisibilibus et inuisibilibus, scilicet ⁴ diabolo ⁵ , mundo et malis, quod ⁶ idem est, et morte, ideo in introitu petit liberari ab inimicis ^a . Et est ⁷ tercii toni ⁸ propter liberationem a triplici ⁹ inimico.

3. Epistola uero sequitur, in qua inuitamur ad ieiunium per exemplum niniuitarum ¹⁰ , qui ad solius ione ¹¹ unicam ¹² predicationem ieiunium indixerunt etiam iumentis, ut liberarentur a temporali subuersione. Quanto magis nos debemus penitenciam suscipere ad uocem ueri ione et apostolorum, ut a subuersione spirituali liberemur.

4. In responsorio ¹³ similiter petit liberari ¹⁴ ab inimicis et in uersu salutem: "deus in nomine tuo saluum me fac ^b ". Et est ¹⁵ tercii toni propter uirtutem trinitatis et liberationem a triplici inimico.

5. Postmodum sequitur euangelium, in quo dicit dominus scribis ¹⁶ et phariseis: "quid uultis me interficere ^c ", et loquitur ¹⁷ de resurrectione sua et ascensione et ¹⁸ spiritus sancti missione propter hoc, ut illi, qui sunt in cruce ¹⁹ , qui sustinent multa a malis sicut ipse dominus, semper habeant respectum ad fructum, et causa ²⁰ : "ascendam in palmam et apprehandam ²¹ fructus eius ^d ".

6. In offertorio ²² petit liberari ab inimicis in anima: "domine conuertere et ²³ eripe ²⁴ animam meam ^e ". Et est ²⁵ sexti toni, quia liberatio anime perfecta est liberatio.

7. Et post in communione ²⁶ atribuit deo ²⁷ liberationem suam: "dominus uirtutum ²⁸ est rex glorie ^f ". Et est ²⁹ tercii toni ³⁰ , quia ille est deus trinitas ³¹ , qui liberat ^A .