Magistri Guillelmi Autissiodorensis Summa de officiis ecclesiasticis Kritisch-digitale Erstausgabe

IV,5. 〈De quatuor benedictionibus Marie〉

1. Fiunt ¹ | ergo ² quatuor festiuitates de beata uirgine secundum quatuor benedictiones, que in eius ³ salutatione continentur ⁴ .

2. Prima est: "aue maria, gratia plena ^a ", que competit prime festiuitati ⁵ , scilicet adnunciationi, quando eam angelus salutauit ⁶ et de spiritu sancto concepit facta plena gratia.

3. Secunda benedictio est: "dominus tecum ^b ", que secunde festiuitati competit, scilicet assumptioni ⁷ , quia tunc fuit cum domino, scilicet ⁸ cum filio suo, ut est dominus. Ante ⁹ enim non uiderat eum ita manifeste dominum.

4. Tercia benedictio competit natiuitati ¹⁰ , scilicet: "benedicta tu in mulieribus ^c ", quia tunc nata fuit ¹¹ mulier sanctificata ¹² in utero. Alia mulier non sanctificata fuit in utero ¹³ . Et ideo dicta est "castrum quoddam ^d " propter singularitatem ¹⁴ , sicut supra dictum est , quia numquam ¹⁵ demones castrum istud fregerunt.

5. Quarta benedictio quarte festiuitati competit, scilicet: "benedictus fructus uentris tui ^e ", quia tunc obtulit ¹⁶ illum ¹⁷ fructum in templo ^A .