Magistri Guillelmi Autissiodorensis Summa de officiis ecclesiasticis Kritisch-digitale Erstausgabe

III,76. Quinta feria ¹

1. Quinta ² feria est de conuersione gentium per christi passionem et resurrectionem. Vnde introitus est: "uictricem manum tuam laudauerunt pariter christiani, quia sapientia aperuit os mutorum ^{3   a} ". Vnde ysaie xxxu: "tunc saliet ⁴ sicut ceruus ⁵ claudus et aperientur ⁶ lingue mutorum ^b ", quoniam ⁷ ille demones eiciebat ⁸ , qui faciebant homines ⁹ mutos. Lucas ¹⁰ : "erat ihesus eiciens demonium, et illud erat mutum ^c ".

2. In epistola significatur conuersio ista gentium, scilicet ¹¹ unde ibi habetur ¹² de eunucho, qui | conuersus est ¹³ a philippo ^d , qui interpretatur os lampadis uel ¹⁴ os illuminans ^e . Quandoque ¹⁵ per scripturarum inspectionem ¹⁶ conuertitur ¹⁷ homo, quandoque per predicationem ¹⁸ ut gentiles, qui significantur per eunuchum, quandoque uero per inspirationem conuertitur ¹⁹ a domino ²⁰ , unde habetur in euangelio, quod apparuit marie magdalene ^f .

3. Quia uero per conuersionem gentium factus est christus lapis angularis ²¹ , in uersu responsorii habetur: "lapidem, quem reprobauerunt ^{g   22} ".

4. Et quia hoc fit per penitenciam, sequitur alleluia: "in die resurrectionis mee, dicit dominus, precedam uos ²³ in galileam ^h ", id est ²⁴ in transmigratione de uiciis ad uirtutes ²⁵ .

5. Euangelium est de apparitione domini marie magdalene ²⁶ in specie peregrini ⁱ . Peregrinus enim est dominus ²⁷ homini, quamdiu ²⁸ est in peccato.

6. In offertorio similiter promittitur ²⁹ illa terra ^{30   31} .

7. In communione ³² uero ad laudandum ³³ inuitamur.

8. Et fit statio ad apostolos, quia ³⁴ in philippo, qui interpretatur os lampadis ^j , intelliguntur omnes apostoli, per quorum predicationem ³⁵ conuersio ³⁶ gentium facta est ^A .