Magistri Guillelmi Autissiodorensis Summa de officiis ecclesiasticis Kritisch-digitale Erstausgabe

III,19. Sexta dominica post theophaniam ¹

1. Sexta dominica, quia rarissime contingit ² , non habet aliquid proprium ³ nisi orationes tantummodo. Sed mutuatur ⁴ a duabus ⁵ precedentibus ^A .

2. De nocturnali officio ⁶ . Sequitur ⁷ de nocturnali officio precedentium dominicarum, in quo intendit similiter ecclesia de apparitione domini, ut stella oriatur in nobis, que ducat nos in bethleem superiorem.

3. Sed quia omnia, que dicuntur in tempore illo, ad gaudium pertinent, cantat ecclesia ad uesperas in sabbatis ⁸ : "peccata mea ⁹ infixa sunt in me et ¹⁰ antequam uulnera generent in me ^a ", id est alia ¹¹ peccata ^B . Peccatum enim, quod per penitenciam non diluitur ¹² , mox ¹³ suo pondere ad aliud trahit.

4. Et eadem de causa in primo responsorio matutinarum dicitur: "domine, ne in furore tuo arguas ^{14   b} " et cetera. Et ostendit ecclesia filiis suis penas ignis purgatorii et inferni, quia comedendus est agnus paschalis cum lactucis agrestibus, et ut molamur ¹⁵ inter duas molas, spem scilicet ¹⁶ et timorem.

5. Quia uero ecclesia intendit nobis narrare ¹⁷ fidem filii dei, ut dictum est, hoc autem melius fit per epistolas pauli et per psalmos, ideo leguntur epistole pauli, quia ipse pre ceteris de fide locutus est, per quam quasi per stellam ¹⁸ christus cognoscitur.

6. Et sunt ¹⁹ omnia responsoria de dauid, non de bello ²⁰ eius, sed de psalmis, in quibus instruimur ²¹ de bonis operibus ²² , quia "fides sine operibus mortua est ^{c   C} ".