Magistri Guillelmi Autissiodorensis Summa de officiis ecclesiasticis Kritisch-digitale Erstausgabe

II,3. 〈De epistola〉

1. Sequitur epistola, que ideo sic dicitur, quod lectio ista plerumque ¹ sumitur ab epistolis pauli uel aliorum et numquam a lege moysi, quia uelum templi scissum est nec uelum ponendum est ² ante oculos, quia christiani filii aquile bene intendunt oculos in radios ³ solis existentis in rota ⁴ , id est uident christum per fidem promissum ⁵ in ueteri testamento.

2. Post epistolam sequitur responsorium ⁶ , ut notetur nos operibus respondere eis, que audiuimus in lectione ^A . Sequitur uersiculus ad excitandum pigros.

3. Dicitur autem responsorium graduale, quia de uirtute in uirtutem ^a debemus procedere, de mansione in mansionem ^b .