Magistri Guillelmi Autissiodorensis Summa de officiis ecclesiasticis Kritisch-digitale Erstausgabe

III,68. 〈Quod luget ecclesia tribus diebus〉

1. Antequam dicatur de quinta feria, prenotandum est, quod ecclesia luget tribus diebus, quia tot fuit dominus in sepulcro ^A .

2. Quare celebrantur tenebre ¹ . Et tenebras celebrat ² , id est matutinas ³ in tenebris, quia in luctu et merore ^B .

3. Quia uero in illa nocte, que precedit resurrexionem, iminet resurrectio et non potest esse ecclesia in arctissimo merore ⁴ , antecedit una die.

4. Quare silet ecclesia principia horarum ⁵ . Et in illis tribus diebus silet principia horarum et fines, quia "recessit pastor bonus ^a ", sicut habetur in uno responsorio, qui est finis et principium, et summus sacerdos est ^{6   C} .

5. Quare non dicitur gloria patri ⁷ . Et gloria patri non dicitur, quia ibi ⁸ abscondita est ⁹ fortitudo et gloria ipsius ^D .

6. Nec dicitur ¹⁰ "iube, domine ¹¹ ", nec "tu autem, domine ¹² " et cetera ¹³ , quia recessit sacerdos, qui debet benedicere et misereri ^{E   b} .

7. Et incipit nocturnale officium: "zelus domus tue ^{14   c} " et cetera ¹⁵ , id est amor uehemens ecclesie fuit causa, quare passus sum ^F . Et sunt omnes antiphone et ¹⁶ responsoria de | passione et compassione ^G .

8. Tres prime lectiones sumuntur ¹⁷ de ieremia ¹⁸ , qui deflet captiuitatem ¹⁹ populi sui, non solum babilonicam, sed etiam romanam, quam incurrerunt propter passionem domini. Et ideo dicuntur lamentabiliter in persona sanctorum de iudeis, qui deflent casum gentis sue ^H .

9. Tres ²⁰ alie sunt de alicuius expositione ²¹ psalmi de passione ²² .

10. Tres ultime de epistola prima ad corinthios: "conuenientibus uobis in unum ^d ", ubi ²³ ostendit apostolus, quomodo ²⁴ debet sumi cena domini ^I .

11. Ad ultimum cantatur kirieleyson cum uersibus de planctu mortis ²⁵ domini ad significandum planctum mulierum ^J .

12. Et extinguntur duodecim ²⁶ candele, quia siluerunt apostoli et ²⁷ extincta est ²⁸ fides in ipsis ^{29   K} et in aliis ³⁰ , quia ³¹ etiam alii de discipulis domini recesserunt a fide.

13. Et silent etiam campane ³² tribus diebus ³³ sinodochice, sicut synodochice fuit ³⁴ dominus tribus diebus in sepulcro, quia tunc siluerunt apostoli et alii predicatores ³⁵ . Per sonitum ³⁶ campanarum significatur sonitus predicationis, de quo dicitur: "in omnem terram exiuit sonus eorum ^{e   L} ".

14. Post tenebras aduenit lux, que significat resurrectionem et fidem post infidelitatem.