Magistri Guillelmi Autissiodorensis Summa de officiis ecclesiasticis Kritisch-digitale Erstausgabe

III,35. Sabbatum ¹

1. Postea uero non restat nisi sabbatismus ² , et est epistola ³ de sabbato ⁴ mentis: "fratres ortamur uos ^a ".

2. Per sabbatum uero mentis uenitur ad sabbatum eternitatis, et ideo dicitur euangelium de transfiguratione domini, in qua apparuerunt tantum moyses et helias ^b , quorum exemplo ⁵ animatur ecclesia ad ieiunium ^{6   A} .

3. De ieiuniis quatuor temporum sufficienter supra ⁷ dictum est , et de ordinibus, et ideo supersedemus modo ⁸ . Sed hoc tantum dicimus, quod epistola ad ⁹ ordinandos ¹⁰ pertinet, in qua dicitur: "corripite inquietos, consolamini pusillanimes ^c ". Hoc debent facere ad minus illi, qui sacros ¹¹ ordines susceperunt.

4. Euangelium uero ad ipsos pertinet. Debent enim ita transfigurari, quod in eis non appareat nisi transfiguratio ¹² domini ^B .

5. Sciendum autem ¹³ , quod in fine misse dicitur oratio super populum in quadragesima propter sanctitatem temporis.