Magistri Guillelmi Autissiodorensis Summa de officiis ecclesiasticis Kritisch-digitale Erstausgabe

III,65. Secunda feria ¹

1. Secunda uero feria ostendit causam passionis, in ipso scilicet humilitatem et patienciam, in iudeis crudelitatem et inuidiam, in iuda cupiditatem et auariciam.

2. Et est introitus: "iustus es ² , domine ^a ", de ³ quarto ⁴ tono propter formam crucis.

3. Epistola uero sumitur de ysaia, in qua ostenditur principalis causa passionis ⁵ domini: "dominus deus aperuit michi ⁶ aurem ^b ", ad intelligendum et propter hoc: "dedi genas meas uellentibus ^c " et cetera ^A .

4. In responsorio uero petit suam liberationem: "exurge, domine ⁷ , intende ^d " et cetera ⁸ , "effunde frameam ^e ", de ⁹ tercio ¹⁰ tono, quia uirtute trinitatis liberamur ab inimicis.

5. In euangelio uero ostenditur triplex causa passionis: "ante sex dies pasche ^f ", | non quia sex dies futuri essent ante pascha, sed ¹¹ quia ibi causa passionis ostenditur.

6. Item ¹² in iuda ostenditur causa cupiditatis ¹³ eo, quod dixit: "ut quid perditio hec ^g ?" Erat enim ferens loculos, et uellet uendi unguentum illud, ut nummos furaretur, sicut dicitur ¹⁴ in iohanne.

7. In iudeis causa est inuidia, quia ¹⁵ moti sunt in eum propter laudem puerorum dicentes: "si dimittimus ¹⁶ eum sic, omnes credent in eum ^h ", et ideo querebant eum interficere.

8. In ipso ¹⁷ christo fructificatio tocius generis humani, cum dicit: "nisi granum frumenti cadens ^{18   i   19   B} ".

9. Et petit liberari in offertorio: "eripe me ^j ". Et est ²⁰ quarti toni ²¹ . In communione ²² similiter ²³ propter formam crucis ^C .