Magistri Guillelmi Autissiodorensis Summa de officiis ecclesiasticis Kritisch-digitale Erstausgabe

III,37. Secunda feria ¹

1. Secunda feria post secundam dominicam est ² de oratione, et ostenditur in epistola, quantum ualet ³ oratio per ieiunium ⁴ , que sic incipit: "orauit daniel ^a " et cetera. Daniel, uir desideriorum, qui orauit pro sociis suis et abstinuit a regalibus cibis et usus est ⁵ leguminibus. Et ideo fuit exaudita ⁶ eius oratio ⁷ , sicut dictum est ei ab angelo.

2. Sed quia nichil ualet oratio, nisi que fit ⁸ in cognitione dei, ideo sequitur euangelium: "ego uado et queretis ⁹ me et non inuenietis ¹⁰ , dicit dominus iudeis ^b ". "Ego sum desursum ^{11   12} , ego non sum de hoc mundo ^c ", et non cognouerunt eum. Et ideo manent adhuc in peccatis suis.

3. Quoniam ^{13   14} cognoscunt, possunt bene orare. Ibi itaque diuidit dominus spirituales a carnalibus, id est "aquas, que sunt ¹⁵ sub firmamento, ab aquis ¹⁶ , que sunt super firmamentum ^d ".

4. Et secunde ferie bene conuenit ¹⁷ opus secunde diei, et ideo est introitus ¹⁸ de secundo tono. Carnales non possunt orare ¹⁹ deum, qui non cognoscunt ^A . Sed ecclesia, que cognoscit, subdit in offertorio ²⁰ : "benedicam dominum, qui tribuit michi intellectum ^e ".