Magistri Guillelmi Autissiodorensis Summa de officiis ecclesiasticis Kritisch-digitale Erstausgabe

III,28. De sabbato ¹ quadragesime ²

1. In tercio ³ autem die ⁴ , scilicet in sabbato, agit ecclesia de elemosina et de sabbato, quia per ⁵ illa tria, scilicet orationem, ieiunium, elemosinam, uenitur ad sabbatum ⁶ mentis, ubi iam facta penitencia ⁷ iusticia, que spectat ad penitenciam, et pax, que est quies et sabbatismus ⁸ mentis, se osculantur, id est conueniunt.

2. Et propter hoc apte ⁹ sequitur epistola: "si abstuleris de medio tui cathenam ^a ", peccatorum scilicet ¹⁰ , que ibi ¹¹ sequntur ¹² : "uocaberis sabbatum delicatum ^b " et cetera.

3. Hoc idem dicitur ¹³ in euangelio, ubi legitur, quod discipulis laborantibus in mari, per quos penitentes designantur, dominus ¹⁴ ascendit nauiculam cum eis, et statim facta est tranquillitas, quia deo presente in corde hominis pacificantur omnia et tranquillantur ibi ^A . |