Magistri Guillelmi Autissiodorensis Summa de officiis ecclesiasticis Kritisch-digitale Erstausgabe

III,87. Dominica post ascensionem ¹

1. Sublato ² a se sponso magis deuota est ecclesia et orat in dominica sequenti in introitu: "exaudi, domine, uocem meam, qua clamaui ^a " et cetera ³ , quasi dicat: cogitatione et ⁴ desiderio sequar te, quia sum filia aquile ^b .

2. Et sequitur epistola beati petri, in qua habetur: "unusquisque ⁵ sicut accepit gratiam in alterutrum ^c ", hec est commissio talenti; "mutuam caritatem sectantes, hospitales sine murmuratione ^d " et cetera. Sic enim adaptat nobis pennas uirtutum, quibus possimus ⁶ uolare ad celum ^e post christum, quia bonis operibus caritatis et misericordie quasi de monte oliueti ascendimus.

3. Et sequitur duplex alleluia, unum est: "dominus ⁷ in syna ^{8   f} ". Sed quid est hoc? Dominus ⁹ non ascendit de monte syna, sed de monte oliueti, de bethania, sicut habetur luce ¹⁰ ultimo.

4. Ad quod dicendum, quod de sina sancto ascendit quantum ad interpretationem. Sina enim interpretatur mandatum ^g . Ascendit enim de sancto man|dato, quod est: "ite, predicate euangelium omni creature ^h ". Vel mandatum sactum est: "negociamini, dum uenio ⁱ ", ipse enim est "homo peregre proficiscens, qui uocauit ¹¹ seruos suos et tradidit illis bona sua ^{12   j} ". Vel mandatum sanctum est: "sedete in ciuitate ^k ". Vel de sancto mandato ascendit, quia per impletionem mandatorum dei ¹³ ascendit christus et alii post ipsum.

5. Euangelium ¹⁴ est de promissione spiritus sancti: "cum uenerit paraclitus, qui a patre procedit ^l , spiritus ueritatis ¹⁵ " et cetera. Cetera patent ^{16   A} .