Magistri Guillelmi Autissiodorensis Summa de officiis ecclesiasticis Kritisch-digitale Erstausgabe

III,83. De dominica rogationum ¹

1. Iam instructos ² per quatuor dominicas quasi ³ armatos quatuor cardinalibus uirtutibus monet adnunciare ⁴ | aliis, "ut qui audit ⁵ , dicat ueni ^a ", et "cortina cortinam trahat ^{b   c} ", dicens: "uocem iocunditatis ^d ", id est nouum testamentum, in quo promissa redduntur. Non est ⁶ terroris, sicut fuit uetus lex: "annunciate ^e " et cetera.

2. Sed ⁷ quia hec dominica dicitur ⁸ dominica rogationum propter ascensionem propinquam domini, quem ⁹ sequi non possumus per nos. Ideo docet nos petere in oratione duo, que petenda sunt, scilicet ut cognoscamus et faciamus: "largire quesumus, domine, supplicibus tuis spiritum ¹⁰ cogitandi, que recta sunt, propicius ¹¹ et agendi ^f " et cetera.

3. Vnde in epistola redarguit eos beatus iacobus, qui uolunt cognoscere et non facere, dicens: "estote factores uerbi ¹² et non auditores tantum ^g ".

4. In euangelio quoque ostendit, quid debeamus petere, scilicet ¹³ eterna: "usque modo non petistis quicquam in nomine meo ^{14   h} ". Qui ¹⁵ enim petit temporalia, nichil petit. In eis enim ¹⁶ , qui ¹⁷ non quiescunt, quies esse non potest: "petite et ¹⁸ accipietis ⁱ ", quia manus dextera domini ¹⁹ semper aperta est ^{20   A} .