Magistri Guillelmi Autissiodorensis Summa de officiis ecclesiasticis Kritisch-digitale Erstausgabe

III,51. Secunda feria ¹

1. Secunda ² feria est de iudicio, unde epistola est de iudicio salomonis de duabus mulieribus ³ , que atulerunt puerum ad regem ⁴ . Mulier ⁵ una synagoga, que dicit, quod diuidatur puer, que diuidere conata est puerum ihesum. Alia mulier est ⁶ ecclesia, que dicit: "detur ei infans uiuus ^a ". Vnde et ⁷ in responsorio petit hec ⁸ mulier puerum: "esto michi in deum protectorem ^b ", petit sibi dari christum.

2. Euangelium ⁹ de ¹⁰ eiectione uendentium et de iudicio ibi habetur, quod non credebat se eis, quia uolebant interficere eum et adhuc nituntur, si possent. Postea ¹¹ sequitur de passione sua: "soluite ^c ", id est soluetis, "templum hoc, et in triduo ^d ". Bene sciebat, quid facturi erant.

3. Quia uero ex passione domini est commune ¹² gaudium, ideo in offertorio cantat ecclesia: "iubilate ^e ".

4. In ¹³ introitu autem petit ¹⁴ iudicari, sed prius petit misericordiam: "deus in nomine tuo saluum me fac ^f " per misericordiam et unitatem ^{15   16} . Et est quarti toni, quia ibi habetur: " ab ¹⁷ insurgentibus in me libera me ^g ", ab inimicis, quia ¹⁸ quatuor modis, sicut dictum est, insurgunt contra nos. Et ideo ista dominica ^{19   20} est de misericordia ²¹ , secunda feria est ²² de iusticia ^A .