III,44. Secunda feria 1
1. In secunda 2 feria ostenditur, quod saluat per baptismum. Sed quia baptismus datur per trinitatem, ideo de trinitate est introitus: "in deo laudabo uerbum a ", et ter ponitur ibi "deus". Et est de tercio tono 3 propter hoc, quod 4 loquitur de trinitate.
2. Epistola uero est de naaman, ad quem misit eliseus giezi, seruum suum, ut sanaret eum. Et precepit ei, quod lauaret se in iordane 5 septies. Et facta est caro eius quasi pueri 6 .
3. Iordanis interpretatur descensus humilitatis b , in qua petit ecclesia mundari ter, ad preceptum domini, querit 7 salutem in aqua, que est inferior creatura.
4. Postmodum sequitur responsorium: "deus laudem meam c ", in quo ecclesia humiliat se per confessionem, et est de tercio tono similiter.
5. Vero in euangelio 8 ostendit dominus, quod non sunt missi prophete nisi ad humiles sicut heliseus ad naaman et elias ad uiduam, et ostendit superbiam iudeorum. Et dicit postea: "ihesus uero transiens per medium illorum ibat d ", ad significandum, quod humilis, quicquid ei fiat, uiam suam non derelinquit 9 A .